Fakültənin Azərbaycan dili və ədəbiyyatı müəllimliyi ixtisasının II kurslarında 2024/2025-ci tədris ili üçün cədvəl üzrə seçmə fənlərin və müəllimlərin tələbələr tərəfindən seçimi keçirilmişdir. Seçim prosesi davam edir.
Müəllim Afət Həsənovanın Filologiya fakültəsi Azərbaycan dili və ədəbiyyatı müəllimliyi ixtisası I kurs tələbələrinə “Azərbaycan dilində işgüzar və akademik kommunikasiya” fənnindən “Azərbaycan dilində işgüzar yazışmalarda rəsmi kargüzarlıq üslubu: hesabat, teleqram, xəbərdarlıq” mövzusunda açıq dərs keçdi. Müəllimin dərs prosesində istifadə etdiyi slaydlar, dil materialları, faktlar mövzunun mənimsənilməsinə müsbət təsir göstərdi.
Azərbaycan dili kafedrasının baş müəllimi Naibə Məmmədzadə Filologiya (Azərbaycan dili və ədəbiyyatı) ixtisasının III kursunda “Linqvistik tipologiya” fənnindən “Fonetik söz yaradıcılığı” mövzusunda açıq dərs keçdi.Dərsin başlanğıcında müəllim mövzu haqqında məlumat verdi, fonetik söz yaradıcılığının yollarını, xüsusiyyətlərini izah etdi. Dərs prosesində nümayiş etdirilən slaydlar dərsin daha səmərəli keçməsinə şərait yaratdı.
Gəncə Dövlət Universitetinin Filologiya fakültəsinin tələbələri və müəllimi Vüsal İsgəndərov TGT-nin təşkilatçılığı ilə Şəki şəhərində elmi-tədqiqat məqsədli ekskursiyada olmuşlar. Məşhur tarixi tikili Şəki Xan sarayı, dramaturq Mirzə Fətəli Axundovun və Xalq şairi Bəxtiyar Vahabzadənin ev muzeyləri ziyarət edilmiş, tələbələr tarixi və önəmli məkanlarla yaxından tanış olmuşlar.
Görkəmli ədib alim və pedaqoq Mir Cəlal Paşayevin ev muzeyində ədəbiyyatşünaslığımızın ustadı, akademik Həmid Araslını doğumunun 115-ci ilində Gəncə Dövlət Universitetinin Filologiya fakültəsinin Filologiya ixtisasının tələbələri, dəyərli həmkarlarımızla birgə sonsuz sayğı ilə andıq! Hər iki unudulmaz alimin əsərləri dünənimizdən bu günümüzə və gələcəyimizə əvəzsiz, ədəbi-bədii, yaradıcı körpüdür.!. Ruhları şad olsun!
Gəncə Dövlət Universitetinin Filologiya fakültəsinin Filologiya(Azərbaycan dili və ədəbiyyatı) ixtisası üzrə IV kurs tələbələrinin dos.Qivami Qazıyev, dos. Nəzmiyə Axundova və b/m Aytən Muşkiyevanın rəhbərliyi ilə tədqiqat yönümlü təcrübələri uğurla davam edir….
Gəncə Dövlət Universitetinin Azərbaycan və dünya ədəbiyyatı kafedrasının dosenti,filologiya üzrə fəlsəfə doktoru Nazəndə Sabir qızı Hacıyevanın Azərbaycan dili və ədəbiyyatı müəllimliyi ixtisasının II kursunda “Azərbaycan ədəbiyyatı tarixi-3” “XIX əsr Azərbaycan ədəbiyyatı” fənnindən “Cənubi Azərbaycanda aşıq şeiri tərzində yazan şairlər” mövzusunda açıq dərsi. Dərs işgüzar ovqatda, tələbələrin yüksək fəallığı şəraitində keçdi. Müəllim-tələbə ünsiyyəti dərs boyunca məmnunluq […]
GDU-nun Filologiya fakültəsində Növruzun gəlişi böyük təntənə ilə qeyd edildi. Tələbələrin bəzədikləri Novruz süfrələri göz oxşayırdı. Fakültənin tələbələrinin ifa etdikləri gözəl mahnılar, səhnəciklər böyük coşqu ilə qarşılandı. Tədbirin rəsmi hissəsində sonra bütün iştiraçılar-müəllimlər, tələbələr, qonaqlar rəqsə dəvət edildilər. Şənlik yüksək əhval-ruhiyyə ilə keçdi.
15.03.2024-cü il tarixdə kafedranın dosenti Həsənova Aidə Ədib qızının Filologiya fakültısinin Filologiya (Azərbaycan dili və ədəbiyyatı) ixtisasının 3¹,² qruplarında Ümumi dilçilik fənnindən “Gənc qrammatiklərin dilçilik görüşləri. Moskva, Kazan dilçilik məktəbləri” mövzusunda açıq dərsi dinlənilmişdir. Müəllim XIX əsrin sonlarında yaranmış “Gənc qrammatiklər cərəyanı”, onların məqsədi, tədqiqat üsulları, proqramı və nöqsanları haqqında məlumat verdi. Sonra Moskva dilçilik […]
