Tələbə təşkilatı

Fakültə Tələbə Həmkarlar Təşkilatının sədri17758183_1256227224463655_3402021357574160779_o

 İlkin Mehman oğlu Abbasov

GDU Filologiya fakültəsi, Azərbaycan dili və ədəbiyyatı müəllimliyi, IV kurs

e-post: aabbasovilkin@gmail.com

Tel: 0517291909

QISA BİOQRAFİK MƏLUMAT

      Abbasov İlkin Mehman oğlu 1997-ci il avqust ayının 31 də İmişli rayonunun Aranlı kəndində məcburi köçkün ailəsində anadan olmuşdur. 2003-cü ildə Füzuli rayonuna köçmüş və Həmin il Füzuli rayon 5 nömrəli tam orta məktəbin 1-ci sinfinə daxil olmuşdur. 2014 cü il həmin məktəbin 11-ci sinfini bitirmiş və  Gəncə Dövlət Universitetinin Filologiya fakültəsinin Azərbaycan dili və ədəbiyyatı müəllimliyi ixtisasına qəbul olmuşdur. 2014-cü ilin oktyabr ayında Tələbə Gənclər təşkilatında Fakültə sədrinin müavini, noyabr ayında Tələbə Gənclər təşkilatında Fakültə sədri,  2015-ci ildə GDU YAP GB Filologiya  fakültəsi üzrə sədr olmuşdur. Müxtəlif elmi konfranslarda elmi məqalələr ilə çıxış etmişdir. 13 elmi məqalələnin müəllifidir. Bakı 2017 4-cü islam həmrəyliyi oyunlarında media əməliyyatları könüllüsü olaraq iştrak etmişdir.  Hazırda  fakültənin 4-cü kurs tələbəsidir. 2017-ci il, 27 fevral tarixdən etibarən Tələbə Həmkarlar Təşkilatının Filologiya fakültəsi üzrə sədri və fakültə Elmi Şurasının tamhüquqlu üzvüdür.

       Tələbə həmkarlar komitələri yuxarı təşkilatların dəstəyi ilə tələbələrin təhsilalma şəraitlərinin yaxşılaşdırılması, çətin həyat durumlarına maddi dəstək verilməsi, işlə təmin olunmasına yardım göstərirlər. Yeni formalaşmış müasir sistemdə isə həmkarlar təşkilatlarının rolu daha da artmışdır. Tələbə Həmkarlar İttifaqı Komitəsinin (THİK) fəaliyyəti böyük önəm daşıyır. Dövlət qeydiyyatından keçmiş yeganə ictimai tələbə təşkilatı olan THİK universitetin idarə olunmasında da yaxından iştirak edir. Belə ki, təşkilatın fakültə nümayəndəsi Fakültə Elmi Şurasının, Komitənin sədri isə Universitetin Böyük Elmi Şurasının tamhüquqlu üzvüdür. Gəncə Dövlət Universitetində tələbələrlə bağlı qəbul olunan bütün qərarlarda bu qurumun rəyi nəzərə alınır.

      Təşkilatın əsas fəaliyyəti

 Komitənin fəaliyyəti 5 əsas prinsip üzərində qurulmuşdur:

 Tələbələrin elmə və biliyə olan marağının artırılması

 Cismən və ruhən sağlam gəncin formalaşması

 Tələbələrə sosial dəstək

 Vətənpərvərlik ruhunun formalaşdırılması 

 Ünsiyyətli gəncin yetişdirilməsi

Məhz bu beş prinsipin vəhdəti uğurlu nəticə verir. Bunu dərk edən Komitə heç bir istiqamətdə işlərin axsamasına şərait yaratmır. Komitənin ən mühüm fəaliyyətlərindən biri də ondan ibarətdir ki, gündəlik qayğılarına qapanıb qalan istedadlı tələbəni gündəmə gətirir, onu ictimai fəaliyyətə cəlb edir. Həmin tələbəni mühüm elmi-ictimai bacarıq vərdişlərinə yiyələndirən təşkilat onu universitetin ən ali müstəvisinə qədər aktuallaşdırır.

        Komitənin üzvü olmaq üçün bir tələbə nə etməlidir?

 Quruma üzv qəbul olmaq çox sadədir. Təşkilatın Əsasnaməsini qəbul edən Gəncə  Dövlət Universitetinin hər bir tələbəsi bu quruma üzv ola bilər. Təşkilatın üzvü aşağıdakı hüquqlara malikdir:

 Təşkilatın rəhbər orqanlarını seçmək və seçilmək;

 Təşkilatın fəaliyyətinə aid olan məsələlərin müzakirəsində sərbəst iştirak etmək;

 Təşkilatın müdafiəsindən istifadə etmək;

 Təşkilat tərəfindən həyata keçirilən tədbirlərdə iştirak etmək;

 Təşkilata üzvlüyünü dayandırmaq və təşkilatdan çıxmaq.

Təşkilatın üzvləri Əsasnamənin müddəalarına əməl etməyə və rəhbər orqanların qərarlarını yerinə yetirməyə borcludurlar. Əks təqdirdə onlar İdarə Heyəti və ya yerli təşkilatlar tərəfindən təşkilata üzvlükdən azad oluna bilərlər.

 Tələbə Həmkarlar Təşkilatı  sosial yönümlü təşkilat olsada tələbələrin bütün problemləri ilə maraqlanır, onların asudə vaxtının səmərəli keçməsinə səy göstərir. Fakültədə tez-tez intelektual yarışlar, müxtəlif mövzularda debatlar keçirilir. Təhsilinə və ictimai fəaliyyətinə görə fərqlənən tələbələr mükafatlandırılır. İmkansız tələbələrin ehtiyaclarının təmin olunması ilə bağlı bir sıra tədbirlər görülmüşdür. Həmçinin təşkilatin idarə heyəti içtimai işlərdə dekanliğa da yaxindan köməklik göstərir.