Azərbaycan dili kafedrasının dosenti f.e.d. Gülrux Hüseynova “Müraciət formaları və onların üslubi funksiyaları” mövzusunda elmi seminar keçdi. O, mövzunu geniş şəkildə izah etdi,sualları cavablandirdi.Sonda seminar iştirakçılarının çıxışları dinlənildi.
Azərbaycan dili kafedrasının dosenti f.e.d.Yadigar Əliyev Gəncə şəhəri 4 nömrəli məktəb-liseydə 11-ci sinif şagirdlərinə “Ali və orta məktəb qrammatikalarında Azərbaycan dilinin tədrisi ilə əlaqədar uyğunsuzluqlar” adlı “Ustad dərsi” keçdi
Gəncə Dövlət Universitetində Azәrbaycan Yazıçılar Birliyi Әdәbiyyat Fondunun “Yeniyetmә vә gәnclәrdә mütaliә mәdәniyyәtinin formalaşdırılması” layihәsinin təqdimat mərasimi keçirilib. Mərasimdə Gəncə Dövlət Universitetinin Azərbaycan və dünya ədəbiyyatı kafedrasının müəllimi, şair Vüsal İsgəndərov, həmçinin universtetin Filologiya fakültəsinin tələbələri “Gəncliyin səsi” ədəbi birliyinin üzvü Amin Həsənov, Təhminə Kamalsoy və Amil İsmayılov öz şerləri ilə çıxış ediblər.
25.10.2024-cü il tarixdə Azərbaycan dili kafedrasının müəllimi Günel Məmmədovanın Tərcümə (ingilis) ixtisası I kurs tələbələrinə Azərbaycan dilində işgüzar və akademik kommunikasiya fənnindən “Azərbaycan dilinin üslublar sistemi. Azərbaycan ədəbi dilinin üslublarında diferensasiya və inteqrasiya” mövzusunda açıq dərsi oldu.
24.10.2024-cü il tarixində Azərbaycan dili kafedrasının dosenti f.e.d. Yadigar Əliyev “Ali və orta məktəb qrammatikalarında Azərbaycan dilinin tədrisi ilə əlaqədar uyğunsuzluqlar” mövzusunda nəzəri seminar keçdi. Y.Əliyev mövzunu ətraflı şərh etdi,verilən sualları cavablandırdı.
Azərbaycan dili kafedrasında Gəncə Dövlət Universitetinin dissertantı baş müəllim Fatma Məhəmməd qızı Saralovanın 5706.01-Azərbaycan dili ixtisasında filologiya üzrə fəlsəfə doktoru elmi dərəcəsi almaq üçün təqdim etdiyi “Azərbaycan Xalq Cümhuriyyəti dövründə dil prosesləri” adlı dissertasiya işinin müzakirəsi keçirildi.Dissertasiya işinin müdafiəyə buraxılması məqsədəuyğun hesab edildi.
22 oktyabr 2024-cü il 12.00-da Filologiya fakültəsi Elmi Şurasının iclası oldu. İclasda payız semestrində alt qrupda olan tələbələrin dərsə davamiyyəti, ixtisas kafedralarının magistr dissertasiyası mövzularının təsdiqi, monitorinq və qiymətləndirmə komissiyasının hesabatı və fakültə tədris metodiki şurasının yeni tərkibinin təsdiqi məsələləri müzakirə olundu.
Filologiya fakültəsində Tələbə Elmi Cəmiyyətinin sədr və müavinlərinin seçkisi keçirildi. Fakültə üzrə bu vəzifəyə Azərbaycan dili və ədəbiyyatı müəllimliyi ixtisasının III kurs tələbəsi Məmmədzadə Səma Eldar qızının, eyni zamanda müavinlərin namizədliyi irəli sürüldü. Qərar səsə qoyuldu və yekdilliklə qəbul edildi.
Filologiya fakültəsində Tələbə Gənclər Təşkilatının sədr və müavinlərinin, Tələbə Həmkarlar Təşkilatının sədr və müavinlərinin seçkisi keçirildi. Fakültə üzrə bu vəzifələrə Azərbaycan dili və ədəbiyyatı müəllimliyi ixtisasının II kurs tələbəsi İsmayılov Ömər Təhməz oğlu və Filologiya (Azərbaycan dili və ədəbiyyatı) ixtisasının II kurs tələbəsi Zeynalzadə Hüseyn Ələkbər oğlunun, eyni zamanda müavinlərin namizədliyi irəli sürüldü. Qərar səsə […]
2024-cü il oktyabrın 18-də Azərbaycan Respublikasının müstəqilliyinin bərpa edilməsinin 33 ili tamam olur. Azərbaycan xalqı artıq bu bayramı tam fərqli olaraq, öz ərazi bütövlüyünü bərpa etmiş qalib xalq kimi qeyd edir. Bu gün Filologiya fakültəsində bu tarixi gün qeyd olundu. Filologiya fakültəsinin dekanı dos. Zakir Ələsgərov, Filologiya fakültəsinin humanitar məsələlər üzrə dekan müavini […]
