20 Yanvar-Qanlı tarix

17 yanvar 2017-ci il tarixdə Filologiya fakültəsində “20 Yanvar-Qanlı tarix” adlı tədbir keçirilmişdir.

 Tədbirdə çıxış edən fakültənin dekanı, professor Mübariz Yusifov qeyd etmişdir ki, 20 Yanvar hadisəsi  xalqımızın tarixinə həkk olunmuş ən qanlı faciələrdəndir. Keçmiş Sovet İmperiyası ordusu  qarşısına silahsız,  əliyalın çıxaraq canlarından keçən 20 Yanvar şəhidləri müasir tariximizin qəhramanları olmuşlar. Tarixdə bənzəri olmayan bu cür qəddarlıq və vəhşilik XX əsrin sonunda dünyanın gözü qarşısında baş vermiş, əliyalın, dinc, mülki əhali kütləvi qətliama məruz qalmışdır.

     Universitetin hümanitar məsələlər üzrə prorektoru, dosent Gülsüm Fətəliyeva qeyd etdi ki, O zaman yalnız Ümummilli liderimiz Heydər Əliyev bütün çətinliklərə baxmayaraq siyasi iradə nümayiş etdirərək Moskvadakı Azərbaycan nümayəndəliyinə gəlmiş və SSRİ  rəhbərliyinin törətdiyi bu cinayəti   qətiyyətlə ittiham edərək  bəyanatla çıxış etmişdir. Azərbaycan rəhbərliyinə qayıdışdan sonra Heydər Əliyevin təşəbbüsü ilə 1994-cu ilin yanvar ayında Milli Məclisdə Azərbaycan xalqına qarşı təcavüzkar olan faciəvi 20 Yanvar hadisələrinə siyasi qiymət verdi. Bu faciəyə ilk hüquqi qiyməti Ulu öndər Heydər Əliyev vermiş,  20 Yanvar hadisələri  haqqında həqiqətlərin dünya dövlətlərinə və beynəlxalq ictimaiyyətə çatdırılması üçün təsirli tədbirlər görülmüşdür.

    Dekan müavini Nadir kubışev “20 yanvar xalqın qəhrəmanlıq səhfəsidir” mövzusunda çıxış edərək bildirmişdir ki, 1990-cı ilin yanvar qırğını nə qədər faciəli olsa da, Azərbaycan xalqının iradəsini, milli azadlıq uğrunda mübarizə əzmini qıra bilmədi.  Həmin müdhiş gecədə həlak olan vətən oğulları Azərbaycanın tarixinə parlaq səhifə yazdılar, xalqın milli azadlığı, müstəqilliyi üçün yol açdılar. Bu gün müstəqil Azərbaycan dövlətinin tarixinə qanlı 20 Yanvar faciəsi xalqımızın şərəf və qəhrəmanlıq səhifəsi kimi yazılmışdır.

Daha sonra Azərbaycan və dünya ədəbiyyatı kafedrasının dosenti Qivami Qazıyev “20 yanvar unudulmaz və şərəfli tariximizdir”çıxış edərək 20 yanvar hadisəsinin Azərbaycan xalqının yaddaşından silinməyəcəyini qeyd etmişdir.

     Tədbirdə fakültənin professor-müəllim heyəti və tələbələr iştrak etmişdir.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir