Hər bir millət üçün fəxr olunası haldır ki, mənsub olduğu xalqın tarixində unudulmaz şəxslər yaşayıb, yaradıb. Elə şəxslər ki, onların Vətən qarşısındakı xidmətləri əvəzolunmazdır. Belə insanlar həmin zirvəni qeyri-adi əməksevərliyi, təmənnasız xeyirxahlığı, fitri istedad, nadir bilik və qabiliyyətləri hesabına fəth edirlər. Məhz belə insanlardan biri də Zərifə xanım Əliyevadır.

Filologiya fakültəsində humanist insan, görkəmli ictimai xadim, oftalmoloq-alim Zərifə Əliyevanın 99 illik yubileyinə həsr olunmuş tədbir keçirildi. Tədbirdə istedadlı həkim, qayğıkeş ana, layiqli ömür-gün yoldaşı Zərifə xanımın mənalı və zəngin həyat yolu, xalqı üçün göstərdiyi xidmətlər bir daha yada salındı.