16 fevral   2022-ci il tarixdə  Filologiya fakültəsi Elmi Şurasının iclası keçirildi. Elmi Şurada 2021/2022-ci tədris  ilinin  payız semestrinin imtahan sessiyasının nəticələri və qarşıda duran vəzifələr, fakültənin Azərbaycan dili və ədəbiyyatı müəllimliyi və Filologiya (Azərbaycan dili və ədəbiyyatı) ixtisaslarının IV kurs tələbələrinin pedaqoji və istehsalat təcrübələrinin təşkili, Xocalı soyqırımının 30-cu ildönümünün keçirilməsi ilə bağlı tədbirlər planı müzakirə edildi. Digər məsələlər isə müəllimlərin seçkisi ilə əlaqdar idi. Belə ki, şura üzvlərinin 50%-dən çoxunun səsini topladığına görə Mehrəliyeva Gülçöhrə Əbduləli qızı  Azərbaycan dili kafedrasında boş olan tam ştat  dosent vəzifəsinə, Novruzova Aynur Vəlican qızı və  Hüseynova Yeganə Sabir qızı   Azərbaycan və dünya ədəbiyyatı   kafedrasında boş olan tam ştat baş müəllim vəzifəsinə  seçildi. Qərarların  rəsmiləşdirilməsi üçün rektora təqdimat edildi.